اسٹار فٹبالر میسی کے مجسمے کا آدھا دھڑ کیسے غائب ہوگیا۔۔۔؟؟؟

بیونس آئرس : اسٹار فٹبالر میسی کے مجسمے کا آدھا دھڑ غائب ہوگیا۔ ارجنٹینا کے اسٹار فٹبالر میسی کے ستارے ان دنوں گردش میں دکھائی دیتے ہیں، پہلے ان کی ٹیم نے کوپا کپ کے فائنل میں شکست کھائی ، پھر ان کے ہم عصر فٹبالر کرسٹیانو رنالڈو گولڈن بوٹ کا ایوارڈ لے اڑے اور اب بیونس آئرس میں لگے ان کے مجسمہ سے آدھا دھڑ غائب ہوگیا۔

پولیس کے مطابق اس واقعہ میں شرپسند عناصر ملوث ہیں یا نہیں فی الحال یہ تعین نہیں ہو سکا ہے۔ یاد رہے کہ گذشتہ برس ارجنٹائن کے دا رالحکومت بیونس آئرس میں اسٹار فٹبالر لائنل میسی کے مجسمے کی رونمائی کی گئی تھی، مجسمے کی رونمائی بیونس آئرس کے میئر نے کی تھی.
واضح رہے کہ میسی کی قیادت میں صرف گزشتہ دو سال کے دوران ارجنٹینا ورلڈ کپ سمیت تین بڑے ٹورنامنٹ کے فائنلز میں شکست کھا چکی ہے۔

مصنف کے بارے میں