کراچی: سندھ ہائیکورٹ نے سابق صوبائی وزیر شرجیل میمن کا نام ای سی ایل میں شامل کرنے سے متعلق کیس میں نیب کو15 دن کے اندر جواب جمع کرانے کا حکم دیدیا ہے۔
شرجیل میمن کا نام ای سی ایل میں شامل کرنے سے متعلق کیس کی سماعت ہوئی،دوران سماعت ڈپٹی اٹارنی جنرل کا کہناتھا کہ وفاقی حکومت کو سابق صوبائی وزیر کے ملک واپس آنے پر کوئی اعتراض نہیں۔
درخواست میں موقف اختیار کیا گیا ہے کہ شرجیل میمن ملک واپس آنا چاہتے ہیں، لیکن وفاقی حکومت نے نام ای سی ایل میں شامل کردیا۔ دوسری طرف نیب کا موقف ہے کہ شرجیل میمن کیخلاف 5ارب روپے سے زائد کی کرپشن کا ریفرنس دائر کیا جا چکا۔
