بارسلونا: واٹس ایپ پر بچوں کے استحصال پر مبنی ویڈیوز بھیجنے پر 15 ممالک کے خلاف آپریشن کے تحت 50 افراد کو گرفتار کیا گیا ہے۔
ہسپانوی پولیس حکام کے مطابق آمیری پول اور انٹر پول کے اشتراک سے بیک وقت کیے گئے ایک آپریشن میں بچوں کے جنسی استحصال میں ملوث ایک منظم گروہ کی نشاندہی کی گئی۔
پولیس نے کہا ہے کہ بعض لاطینی ممالک میں واٹس ایپ کا سہارا لیتے ہوئے یہ گھناونا جرم کیا جا رہا تھا جس کی نشاندہی کرنے پر سپین،کولمبیا، بولیویا، برازیل، چلی،کوسٹا ریکا، جمہوریہ ڈومینیک، گوئٹے مالا، میکسیکو، پیرا گوئے، وینیزویلا ،یورو گوائے، پاناما، نکارا گوا اور اٹلی میں آپریشن کرتے ہوئے 50 افراد کو گرفتار کیا گیا ۔
