کراچی: کراچی کاٹن ایسوسی ایشن سے جاری کردہ اعداد و شمار کے مطابق روئی کی فصل 2017-18 کے آفیشل اسپاٹ ریٹس برائے 37.324 کلو گرام کے نرخ گذشتہ کاروباری روز کے بھاﺅ 6 ہزار 100 روپے اور 40 کلو گرام کے ریٹس 6 ہزار 537 روپے پر برقرار رہے۔ اسی طرح 37.324 کلوگرام کے بھاﺅ 145 روپے اندرون ملک اخراجات کے ساتھ 6 ہزار 245 روپے اور 40 کلوگرام کے ریٹس 155 روپے اندرون ملک اخراجات کے ساتھ 6 ہزار 692 روپے پر بند ہوئے۔
ایسوسی ایشن نے مزید بتایا کہ ملک کے مختلف شہروں سے حاصل کردہ تفصیلات کے مطابق ڈومیسٹک ٹرانزیکشن کے تحت روئی کی فصل برائے 2017-18 کی 41 ہزار 400 گانٹھوں کے سودے 5 ہزار 900 روپے سے 6 ہزار 300 روپے فی من رہے۔
انہوں نے مزید بتایا کہ ٹنڈو آدم کی روئی کی 400 گانٹھوں کے سودے سب سے کم بھاﺅ 5 ہزار 900 روپے فی من پر بند ہوئے۔ اسی طرح خیرپور کی روئی کی 2 ہزار گانٹھوں کے سودے 6 ہزار 150 روپے فی من رہے۔
ایسوسی ایشن نے بتایا کہ ڈھرکی کی روئی کی 1 ہزار 600 گانٹھوں کے سودے سب سے زیادہ ریٹس 6 ہزار 200 روپے سے 6 ہزار 300 روپے فی من پر بند ہوئے جبکہ راجن پور کی روئی کی 2 ہزار 200 گھانٹھوں کے سودے 6 ہزار 200 روپے سے 6 ہزار 250 روپے فی من رہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
