کیوبا: پاکستانی ٹیلی وژن ڈراموں سے شہرت کی بلندیوں کو چھونے والی کینیڈین نژاد اداکارہ ارمینہ خان نے کیوبا میں برطانوی نوجوان سے منگنی کر لی۔ سماجی رابطوں کی ویب سائٹ انسٹاگرام کے ذریعے انہوں نے اپنے مداحوں کیلئے ایک تصویر شیئر کی جس میں ان کے منگیتر گھٹنے پر انھیں پرپوز کر رہے ہیں۔
9d79cb3e95743fa0f98f50a79e1c758eارمینہ خان نے اپنی پوسٹ میں لکھا کہ وہ بہت خوش ہیں۔ اب کچھ بھی مجھے اداس نہیں کر سکتا۔ ارمینہ خان نے اپنے منگیتر کے بارے میں ابھی تک نہیں بتایا کہ وہ کون ہیں کیا کرتے ہیں اور ان کا نام کیا ہے لیکن انہوں نے اپنے مداحوں سے وعدہ کیا ہے کہ وہ جلد ان کے بارے میں تفصیلات اپنے مداحوں کے ساتھ شیئر کریں گی۔
b07cb78394a29480b899b8e14c68e72eواضح رہے کہ ارمینہ خان کا شمار پاکستان کی انٹرٹینمنٹ انڈسٹری کی ابھرتی ہوئی اداکاراوں میں ہوتا ہے۔ انہوں نے انتہائی کم عرصے میں اپنی شناخت بنائی۔ ٹیلی وژن شائقین ڈراموں میں ان کی اداکاری کو بہت پسند کرتے ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
