بالی ووڈ: ہدایت کار اور فلم ساز راج کمار ہیرانی کی" منا بھائی ایم بی بی ایس "اور "لگے رہو منا بھائی،" تھری ایڈیٹس "اور پی کے" جیسی بلاک بسٹر فلموں نے کامیابی کی بلندیوں کو چھوا۔ان فلموں میں بومن ایرانی بھی اہم کردار ادا کرتے نظر آئے ہے۔ بومن ایرانی کا کہنا ہے کہ کہ اگر منا بھائی تھری میں انہیں کاسٹ نہ کیا گیا تو وہ راج کمار ہیرانی کو نہیں چھوڑیں گے۔گذشتہ دنوں فلم ساز کی جانب سے منا بھائی سیریز کی نئی فلم کا اعلان سامنے آنے کے بعد بومن ایرانی کی خوشی دیدنی تھی۔
بومن ایرانی کا کہنا تھا کہ میں نئی فلم کے لیے بہت پرجوش ہوں، سرکٹ اور منا بھائی اس فلم کا حصہ ضرور ہوں گے لیکن میری موجودگی کنفرم نہیں، فلم کے ہر حصے میں تیسرا کردار تبدیل ہوتا رہا ہے۔
ہبومن ایرانی، منا بھائی سیریز کی پچھلی دو فلموں میں اہم کردار ادا کرچکے ہیں، پہلی فلم میں ان کا کردار ڈاکٹر استھانا کا تھا جبکہ دوسرے حصے میں انہوں نے ایک کاروباری شخص لکی سنگھ کا کردار نبھایا تھا۔فلم کے دونوں حصوں میں بومن ایرانی کی اداکاری کو کافی سراہا گیا تھا، یہی وجہ ہے کہ وہ پرامید ہیں کہ فلم ساز نئی فلم میں بھی انہیں کاسٹ کریں گے اور اگر نہیں بھی کرنا چاہتے تو اب دھمکی سن کر انہیں ایسا کرنا ہی پڑے گا۔
