اسلام آباد:ہاتھوں کی دلکشی برقرار رکھنے کے لیے یہ کام کرنے انتہائی ضروری ہیں ۔
دستانے پہنیں: جب آپ برتن اور کپڑے دھونے لگیں تو اس سے پہلے دستانے پہن لیں یا پھر اپنے ہاتھوں پر تیل لگا لیں اس سے آپ کے ہاتھ خشک نہیں ہوں گے اور نہ ہی ان کی خوبصورتی ماند پڑے گی۔
مینی کیور کا استعمال: کسی اچھے سیلون سے ہاتھوں اور ناخن کو صاف کرنے والی کریم یعنی مینی کیور خریدیں اور اسے ہفتے میں ایک بار ضروراستعمال کریں۔
ہاتھوں کو رگڑ کر صاف کرنا: ہاتھوں سے مٹی اور مردہ سیل سے نجات حاصل کرنے کے لیے ضروری ہے کہ ہاتھوں کو رگڑ کر صاف کریں اس سے نہ صرف ہاتھ خوبصورت اور جوان نظر آئیں گے بلکہ خون کی حرکت میں بھی توازن پیدا ہوگا۔
ریشمی ہاتھوں کے لیے: ایک چمچہ لیموں کا رس، ایک چمچہ گلیسرین اور چند قطرے گلاب کا عرق لیں اور اس آمیزے کو دن میں دو مرتبہ ہاتھوں پر لگائیں جلد ہی ہاتھ نرم اور ریشمی نظرآئیں گے۔
سیاہ داغ ختم کرنے کے لیے: ایک لیموں کو کاٹ کر 2 حصوں میں تقسیم کرلیں ایک حصے پر آدھا چمچہ چینی ڈال کر اسے ہاتھوں پر رگڑیں یہ نہ صرف ہاتھوں کو صاف کردے گا بلکہ اس پرکشش بنا دے گا۔
آلو اور دودھ کا آمیزہ: کچھ آلو اور دودھ لے کر انہیں ملا لیں اور پھر اس ماسک کو ہاتھوں پر پھیلا دیں ہاتھ نرم ہوجائیں گے۔
معیاری صابن کا استعمال: ایسے صابن کا استعمال کریں جو حساس جلد کے لیے بنائے جاتے ہیں، زیتون کے تیل ملے صابن کا استعمال ہاتھوں کو خشک نہیں ہونے دیتا اور جلد کے قدرتی آئل کو بھی برقرار رکھتا ہے۔
