کراچی: متحدہ قومی موومنٹ (پاکستان ) کے سربراہ ڈاکٹر محمد فاروق ستار نے پی ایس 114محمود آباد کی تاج مسجد میں عید الفطر کی نماز ادا کی ۔ اس موقع پر رابطہ کمیٹی کے اراکین بھی موجود تھے۔
نماز عید کے بعد ڈاکٹر محمد فاروق ستار اور کامران ٹیسوری ، رابطہ کمیٹی کے ڈپٹی کنوینرز ڈاکٹر خالد مقبول صدیقی ، کیف الواریٰ ، رابطہ کمیٹی کے اراکین امین الحق ، فیصل سبزواری ، اظہار احمد خان ، عبد الوسیم ،عبد القادر خانزادہ ، ارشاد ظفیر ، اسلم آفریدی ، عارف خان ایڈووکیٹ سمیت حق پرست اراکین قومی وصوبائی اسمبلی ، ڈسٹرکٹ کے چیرمینز ، وائس چیئرمیننز اور مختلف شعبہ جات کے اراکین نے نماز عید پی آئی بی کالونی گراونڈمیں ادا کی ۔ رابطہ کمیٹی کے اراکین نے کے ایم سی اسٹیڈیم پی آئی بی کالونی میں نمازیوں سے عید ملی اور انہیں اپنی اور ایم کیوایم (پاکستان ) کی جانب سے عید الفطر کی دلی مبارکباد پیش کی ۔