بیجنگ: چین اور عرب ممالک کے مابین بی ڈو تعاون کے معاہدوں پر دستخط ہوگئے ، بی ڈومنصوبہ کے تحت عرب ممالک چینی بی ڈو سٹیلائٹ سسٹم سے استفادہ حاصل کر سکیں گے ،چین کا مقامی طور پر تیار کردہ بی ڈی ایس سسٹم 2018کے آخر تک ون بیلٹ ون روڈ منصوبہ سے منسلک ممالک کو اپنی خدمات فراہم کرنا شروع کردے گا ، 2020تک 35سٹیلائٹ سسٹم کے ساتھ یہ عالمی طور پر اپنی خدمات پیش کردے گا.
چین اور عرب ممالک کے تعاون سے فضائی سلک روڈ منصوبہ بھی بہت جلد تعمیر کر لیا جائے گا اور یہ منصوبہ چین اور عرب ممالک کا اپنی مثال آپ کا منصوبہ ہوگا، تعاون کا یہ اعلامیہ سٹیلائٹ نیویگیشن میں دوطرفہ تعاون میں مددگار ثابت ہوگا ، یہ تعاون عرب ممالک کی ضروریات کو دیکھتے ہوئے کیا جا رہا ہے ، اس موقع پر مختلف شعبوں کے مختلف پراجیکٹس میں دوطرفہ تعاون کی یقین دہانی کرائی گئی جس میں ٹرانسپورٹیشن ، لینڈ میپنگ ،زرعی شعبہ جات اور عوامی تحفظ کے منصوبہ جات قابل ذکر ہیں۔
چینی سرکاری ادارہ کے مطابق چین اور عرب ممالک میں بی ڈو تعاون کے معاہدات پر گزشتہ روز بی ڈو فورم کی منعقدہ تقریب میں دستخط کر دیے گئے ۔ اس تعاون کے تحت عرب ممالک چینی بی ڈو سٹیلائٹ سسٹم سے استفادہ حاصل کر سکیں گے ۔ 2018 کے آخر تک چین کا مقامی تیارکردہ بی ڈایس سسٹم ون بیلٹ ون روڈمنصوبہ سے منسلک ممالک کو اپنی خدمات فراہم کرنا شروع کردے گا ، 2020تک 35سٹیلائٹ سسٹم کے ساتھ یہ عالمی طور پر اپنی خدمات پیش کردے گا ۔
تعاون کا یہ اعلامیہ سٹیلائٹ نیویگیشن میں دوطرفہ تعاون میں مددگار ثابت ہوگا ۔ژانگ نے کہا کہ چین اور عرب ممالک کے تعاون سیفضائیسلک روڈ منصوبہ بھی بہت جلد تعمیر کر لیا جائے گا اور یہ منصوبہ چین اور عرب ممالک کا اپنی مثال آپ کا منصوبہ ہوگا ۔
چیئرمین آف چائنہ سٹیلائٹ نیویگیشن سسٹم وانگ لی نے اس موقع پر کہا کہ یہ تعاون عرب ممالک کی ضروریات کو دیکھتے ہوئے کیا جا رہا ہے ۔ اس موقع پر مختلف شعبوں کے مختلف پراجیکٹس میں دوطرفہ تعاون کی یقین دہانی کرائی گئی۔ اس فورم کا مقصد بی ڈی ایسسسٹم کی ٹریننگ دینا تھا ۔ اس فورم کا دوسرا اجلاس 2019میں کسی بھی عرب ملک میں کیا جائے گا ۔
