اسلام آباد: چیئرمین تحریک انصاف عمران خان نے پشاور میں دہشت گردوں کے حملے کی شدید مذمت کرتے ہوئے کہا ہے .اللہ کا شکر ہے کہ بڑے نقصان سے محفوظ رہے.
سماجی رابطے کی ویب سائٹ ٹوئٹر پر اپنے مذمتی بیان میں عمران خان نے حملے کے بعد فوری جوابی کارروائی میں حصہ لینے والے جوانوں کو خراج تحسین پیش کیا۔
Saddened by condemnable terrorist attack in Peshawar this morning. My prayers to to the victims and their families. Commend the rapid response of KP police and army that helped in containing damage and concluding the operation.
— Imran Khan (@ImranKhanPTI) December 1, 2017
چیرمین تحریک انصاف کا کہنا تھا کہ انتہائی خطرناک حملے کو کم ازکم وقت میں ناکام بنانا باعث اطمینان ہے، بڑے نقصان سے محفوظ رکھنے پر اللہ کا شکر ادا کرتے ہیں۔
عمران خان نے کہا کہ خیبرپختونخوا پولیس کی پیشہ وارانہ بنیادوں پرتشکیل نو بارآور ثابت ہو رہی ہے، پولیس کی اصلاح کے بعد اب پختونخوا کو شرانگیزی کا نشانہ بنانا آسان نہیں، دشمن کے ناپاک عزائم خاک میں ملانا پیشہ وارانہ مہارت کا نتیجہ ہے۔ انہوں نے مزید کہا کہ خون کی ہولی کھیلنے والے انسانیت اور اسلام کے دشمن ہیں۔
The reformed professional KP police force with its special rapid response unit has made a difference in dealing with acts of terrorism in a timely, holistic and coordinated manner. https://t.co/u172BhI9Ko
— Imran Khan (@ImranKhanPTI) December 1, 2017
چیرمین پی ٹی آئی نے واقعے کےحقیقی ذمے داروں تک رسائی کے لیے جامع تحقیقات کا مطالبہ کیا اور واقعے میں شہید ہونے والوں کے لواحقین سے یکجہتی کا اظہار کیا۔
