اسمبلیوں کی تحلیل کے ساتھ پی ڈی ایم کی سیاست ختم، ن لیگ کی دفن ہو گی: شیخ رشید 

اسمبلیوں کی تحلیل کے ساتھ پی ڈی ایم کی سیاست ختم، ن لیگ کی دفن ہو گی: شیخ رشید 

راولپنڈی: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ ثابت ہو گیا عمران خان کو ہٹانا فاش غلطی تھی، اسمبلیوں کی تحلیل کے ساتھ پی ڈی ایم کی سیاست ختم، ن لیگ کی دفن ہو گی۔ 

تفصیلات کے مطابق سماجی رابطوں کی ویب سائٹ ٹوئٹر پر جاری پیغام میں شیخ رشید نے کہا ’ جب بھی عمران خان اسمبلی تحلیل کریں گے تو کوئی ممبر بیوقوف نہیں جو اس کے ساتھ کھڑا نہیں ہو گا۔ اسمبلیوں کی تحلیل کے ساتھ پی ڈی ایم کی سیاست ختم، ن لیگ کی دفن ہو گی۔ تیل، گیس، بجلی کیلئے پیسے نہیں لیکن کمپنی کی مشہوری کیلئے 2 ارب روپے ہیں۔ چھڑی بدلی اور وزیر قانون دوبارہ آ گئے، لاہور کا فیصلہ فیصلہ کن ہو گا، آر پار ہو گا۔‘ 

ایک اور ٹویٹ میں ان کا کہنا تھا ’اب بھی وقت ہے حکمران اور ذمہ داران الیکشن کی طرف جائیں۔ الیکشن کو روکنے کیلئے جو بھی حربے استعمال کریں گے ان کے گلے پڑے گا۔ ثابت ہو گیا عمران خان کو ہٹانا فاش غلطی تھی۔ مولانا فضل الرحمن نے ماﺅں اور بیٹیوں کی تضحیک کی ہے۔ دنیا میں تیل سستا، پاکستان میں کوئی رعایت نہیں۔ اب غلطی کی گنجائش نہیں، فیصلے کا وقت ہے۔‘ 

مصنف کے بارے میں