اسلام آباد:نیب نے شریف خاندان کیخلاف ریفرنس میں نئی حکمت عملی اپنا لی ، ضمنی ریفرنسز کے بعد نیب مزید دستاویزات احتساب عدالت میں پیش کرے گا ، اسحاق ڈار کیخلاف بھی ضمنی ریفرنس تیار کر لیا۔
تفصیلات کے مطابق نیب نے اسحاق ڈار کیخلاف بھی ضمنی ریفرنس تیار کر لیا ، ضمنی ریفرنسز کے بعد نیب مزید دستاویزات احتساب عدالت میں پیش کرے گا۔
ذرائع کے مطابق ضمنی ریفرنس میں نواز شریف مالک ، اولاد اور داماد بے نامی دار ٹھہرائے گئے ہیں ، اصل ریفرنس میں نواز شریف ، اولاد ، داماد کو لندن فلیٹس کا مالک ظاہر کیا گیا ہے۔
نیب نے ایون فیلڈ ضمنی ریفرنس میں نواز شریف کو براہ راست مالک ظاہر کیا ، نئی حکمت عملی کا مقصد نواز شریف پر بے گناہی ثابت کرنے کا بوجھ ڈالنا ہے۔
نئی حکمت عملی کا مقصد نواز شریف کو براہ راست ملزم نامزد کرنا ہے ، نیب کو باہمی معاونت کے تحت دستاویزات نہ ملنے پر منی ٹریل ثابت کرنے میں مشکلات ہیں۔
ضمنی ریفرنسز کا مقصد پہلے سے دائر ریفرنسز کی خامیاں دور کرنا ہے ، ٹھوس ثبوت نہ ملنے پر نیب نے نئی حکمت عملی اختیار کی ، شریف خاندان کے خلاف دائر ریفرنسز کی ری ڈرافٹنگ شروع کی۔