سنی لیونی کے طیارے کی ہنگامی کریش لینڈنگ ،اداکارہ محفوظ رہی

سنی لیونی کے طیارے کی ہنگامی کریش لینڈنگ ،اداکارہ محفوظ رہی

ممبئی:بالی ووڈ اداکارہ سنی لیونی اپنے شوہر اور ٹیم کے ہمراہ بھارتی ریاست مہاراشٹرا کے دور دراز علاقے میں سفر کر رہی تھیں کہ اسی دوران خراب موسم کے باعث ان کا طیارہ حادثے کا شکار ہونے سے بال بال بچ گیا، پائلٹس نے بروقت مہارت کا ثبوت دے کر تمام مسافروں کو بچالیا۔


تفصیلات کے مطابق بالی ووڈ اداکارہ سنی لیونی نے اپنے ٹوئٹر اکاﺅنٹ پر بتایا کہ وہ اپنے شوہر اور ٹیم کے ہمراہ مہاراشٹرا کے دور دراز علاقے میں پرائیویٹ طیارے میں سفر کر رہی تھیں کہ اسی دوران موسم اچانک خراب ہوگیا اور بارش کی وجہ سے انہیں شدید مشکل کا سامنا کرنا پڑا۔ اچانک موسم خراب ہونے کی وجہ سے پائلٹس نے بھی دعائیں مانگنا شروع کردیں جس کی وجہ سے ہمیں لگا کہ اب بچنے کی کوئی امید نہیں ہے۔

 سنی لیونی نے پائلٹس کی تعریف کرتے ہوئے بتایا کہ انہوں نے بڑی مہارت کے ساتھ کریش لینڈنگ کی اور تمام مسافروں کو بحفاظت زمین پر اتار لیا۔

 کریش لینڈنگ کے بعد سنی لیونی نے اپنی ایک ویڈیو بھی شیئر کی ہے جس میں انہوں نے اپنے شوہر اور ٹیم کے تمام ممبران کو دکھایا اور بتایا کہ سب لوگ خیریت سے ہیں۔ کریش لینڈنگ کے بعد سنی لیونی اپنی ٹیم کے ہمراہ ایک گاڑی میں بذریعہ سڑک واپس ممبئی کا سفر کر رہی ہیں اور 6 گھنٹے سے زائد وقت گزرنے کے باوجود وہ گھر نہیں پہنچ سکیں۔