ممبئی :بھارتی اداکارہ و گلوکارہ ہمانشی کھرانہ کو کورونا نے ہسپتال پہنچا دیا۔
بھارتی میڈیا رپورٹ کے مطابق بگ باس اور پنجابی ماڈل اور اداکارہ ہمانشی کھرانہ کے مداحوں کیلئے بری خبر سامنے آئی ہے۔ گزشتہ دنوں ہمانشی کھرانہ کورونا پازیٹوپائی گئی تھیں۔ جس کی خبر ہمانشی نے خود اپنے سوشل میڈیا اکاؤنٹس پر شیئر کی تھی۔
e2877c263d859be0bed6ed05bf31fbfa
اداکارہ کے مداحوں کیلئے بری خبر یہ ہے کہ کورونا کیلئے ان کا علاج چل رہا تھا لیکن اب سامنے آیا ہے کہ ان کی طبیعت اچانک اور بھی خراب ہوگئی ہے جس کے بعد انہیں فوری طور پر ہسپتال میں داخل کرادیا گیا ہے۔
صرف یہی نہیں ہمانشی کھرانہ کی حالت کافی نازک بتائی جارہی ہے۔ ہمانشی کھرانہ کو تیز بخار ہے ۔
اطلاعات کے مطابق ہمانشی کھرانہ کووڈ19 سے متاثر ہونے کے بعد گھر پر ہی رہ کر اپنا علاج کر رہی تھیں۔ وہ گھر پر ہی قرنطینہ میں ڈاکٹروں سے مسلسل رابطے میں تھیں۔
سپاٹ بوائے کی ایک رپورٹ کے مطابق اداکارہ کو 105 ڈگری بخار ہے اور ان کا آکسیجن سیچوریشن لیول بھی کافی کم ہے۔ ایسی حالت میں طبیعت بگڑنے کی وجہ سے ہمانشی کو فوراً ہسپتال میں داخل کرایا گیا ہے۔
بھارت کے معروف رئیلٹی شو بگ باس کے سیزن 13میں حصہ لینے والی پنجابی گلوکارہ ہمانشی نے انسٹا گرام پوسٹ میں بتایا آپ سبھی کو یہ بتانا چاہتی ہوں کہ مکمل احتیاط برتنے کے باوجود بھی میں کورونا وائرس سے متاثر ہوگئی ہوں، جیسا کہ آپ سبھی کو پتہ ہے کہ میں نے دو دن پہلے کسانوں کے احتجاج میں حصہ لیا تھا۔ اس جگہ کافی بھیڑ تھی۔ آج شام کو اپنی شوٹنگ پر جانے سےپہلے میں نے سوچا کہ ٹیسٹ کرالوں۔
یاد رہے کہ بگ باس ہی کے حصہ رہنے والے گلوکار عاصم ریاض اور ہمانشی کھرانہ کا نیا گانا ’خیال رکھیا کر’ ریلیز ہوا ہے۔ اس گانے میں ان دونوں کے رومانس کو لوگوں نے خوب پسند کیا اور یہ گانا سوشل میڈیا پر زبردست پذیرائی حاصل کررہا ہے۔ ہمانشی کھرانہ اور عاصم ریاض کے سوشل میڈیا اکائونٹس پر اکثر ہی دونوں کی رومانٹک تصویریں اور ویڈیوز دیکھنے کو مل جاتے جاتی ہیں۔
یہ بھی انکشاف ہوا ہے کہ ہمانشی کھرانہ ان دنوں پی سی او ایس کے درد سے گزر رہی ہیں اور ان کی حالت بیحد خراب ہے۔ پی سی او ایس کی مشکل کے ہوتے ہوئے ہمانشی کی حالت کچھ اس طرح ہو گئی ہے کہ انہیں چلنے،پھرنے میں بھی مشکل آرہی ہے۔