لاہور: حکومت نے صنعتی صارفین کے لیے بجلی کی قیمتوں میں کمی کردی ہے ۔
تفصیلات کے مطابق حکومت نے صنعقی صارفین کے لیے بجلی کے نرخوں میں 4 روپے اور 96 پیسے فی یونٹ کمی کردی ہے جس کا نیپرا نے نوٹیفیکشن بھی جاری کردیاہے ۔
نیپرا کے جاری کردہ نوٹیفیکیشن کے مطابق صنعتی صارفین کے لیے بجلی 12 روپے 96 پیسے کمی کا اعلان کیا تھا ۔ صنعتی یونٹ کی نئی قیمت تقریباَ 8 روپے فی یونٹ مقرر کر دی گئی ہے ۔ صنعتی صارفین کے لیے بجلی کے کم نرخوں کا پیکج صرف آٹھ ماہ کےلیے ہوگا ۔
بجلی کے نرخوں میں کمی کا اطلاق یکم نومبر 2020 سے تیس جون 2021 تک ہوگا ، جبکہ رعائتی پیکج کا اطلاق کراچی سمیت پورے ملک کے صنعتی صارفین پر ہوگا۔
جاری کردہ نوٹیفیکیشن کے مطابق ریلیف پیکج کے تحت صنعتی صارفین پر 8 ماہ فیول پرائس ایڈجسٹمنٹ بھی لاگو نہیں ہوگی ، جبکہ فیول پرائس ایڈجسٹمنٹ کی مد میں ریلیف صنعتی صارفین کو ملے گا۔
