میری جائیداد بیٹے اور بیٹی میں برابر تقسیم ہو گی: امیتابھ بچن

انٹرٹینمینٹ 
 
میری جائیداد بیٹے اور بیٹی میں برابر تقسیم ہو گی: امیتابھ بچن

 ممبئی: بالی وڈ اداکار امیتابھ بچن کا شمار اپنے دور کے کامیاب اداکاروں میں تو کیا ہی جاتا ہے تاہم وہ سماجی کاموں میں بھی کافی آگے آگے نظر آتے ہیں۔ اسی حوالے سے اداکار نے سماجی رابطے کی ویب سائٹ ٹوئٹر پر صنفی مساوات کے حوالے سے ایک خوبصورت پیغام بھی شیئر کیا۔ 74 سالہ امیتابھ بچن نے ٹوئٹر پر اپنی ایک تصویر مداحوں سے شیئر کی جس میں وہ ایک پلے کارڈ پکڑے نظر آئے۔ پلے کارڈ پر تحریر ہے موت کے بعد میری جائیداد میرے بیٹے اور بیٹی میں برابر تقسیم کی جائے گی۔


ضرور پڑھیں: بھارت نے جنگ مسلط کی تو اینٹ کا جواب پتھر سے دیں گے، شیخ رشید

امیتابھ بچن کے بیٹے ابھیشیک بچن بھی بالی وڈ کے مشہور اداکار ہیں جبکہ ان کی بیٹی شویتا بچن نندا پیشے کے اعتبار سے صحافی ہیں۔ واضح رہے کہ امیتابھ بچن بااختیار خواتین اور ان کے حقوق کے لیے بھی کافی سرگرم رہتے ہیں۔ ان کی گزشتہ سال ریلیز فلم 'پنک' بھی اسی موضوع پر مبنی تھی۔

انہوں نے گزشتہ سال اپنی پوتی نیویا اور نواسی آرادھیا کے نام ایک خط بھی شائع کیا تھا جس میں انہوں نے لکھا تھا میری پیاری نیویا اور آرداھیا آپ دونوں کے نازک کندھوں پر نہایت بھاری ذمہ دار عائد ہوتی ہے۔ اگر کام کے حوالے سے بات کی جائے تو امیتابھ بچن اس وقت اپنی فلم 'سرکار 3' کی شوٹنگ میں مصروف ہیں جس کا ٹریلر حال ہی میں ریلیز کیا گیا۔

ضرور پڑھیں: سونا کی قیمت ملکی تاریخ کی بلند ترین سطح پر پہنچ گئی

 

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں