لاہور اور ملتان کے علاوہ ملک بھر میں فلائٹ آپریشن بحال

لاہور اور ملتان کے علاوہ ملک بھر میں فلائٹ آپریشن بحال
تین روز قبل پاکستان نے فضائی حدود اور ہوائی اڈے کمرشل پروازوں کے لیے بند کر دیے تھے۔۔۔۔فائل فوٹو

لاہور: لاہور اور ملتان کے علاوہ ملک بھر میں فلائٹ آپریشن معمول کے مطابق بحال کر دیا گیا۔ سول ایوی ایشن اتھارٹی نے اسلام آباد، کراچی، پشاور اور کوئٹہ کے ہوائی فضائی اڈوں پر فلائٹ آپریشن معمول کے مطابق بحال کر دیا۔


پاک بھارت کشیدگی کے باعث تین روز قبل سی اے اے نے پاکستان کی فضائی حدود اور ہوائی اڈے کمرشل پروازوں کے لیے بند کر دیے تھے جسے گزشتہ روز جزوی بحال کیا گیا تھا تاہم ہفتے کے روز سول ایوی ایشن اتھارٹی کی جانب سے آپریشن معمول کے مطابق بحال کرنے کا اعلان کیا گیا۔

ذرائع کے مطابق صورتحال کے پیش نظر لاہور اور ملتان کے فضائی اڈوں کو 4 مارچ کو دن ایک بجے کھولا جائے گا جب تک لاہور جانے والے مسافروں کو اسلام آباد اور پشاور ائیر پورٹس بھیجا جا رہا ہے۔

پشاور ائیرپورٹ حکام کا کہنا ہے کہ باچا خان ایئر پورٹ پر پروازیں معمول کے مطابق جاری ہیں جہاں سے آج دبئی، کراچی اور ریاض کے لیے بھی پروازیں روانہ ہوں گی۔