کراچی کنگز نے اپنے فیلڈنگ کوچ کے کورونا وائرس کا شکار ہونے کی تصدیق کر دی

کراچی کنگز نے اپنے فیلڈنگ کوچ کے کورونا وائرس کا شکار ہونے کی تصدیق کر دی
سورس:   فوٹو: بشکریہ ٹوئٹر

کراچی: پاکستان سپر لیگ (پی ایس ایل) فرنچائز کراچی کنگز نے اپنے فیلڈنگ کوچ کامران خان کا کورونا وائرس ٹیسٹ مثبت آنے کی تصدیق کر دی ہے۔ 

تفصیلات کے مطابق اسلام آباد یونائیٹڈ کے فواد احمد کے بعد دو کھلاڑیوں سمیت تین افراد کے کوویڈ19 ٹیسٹ مثبت آنے کی تصدیق کی گئی تھی جن میں سے ایک کرکٹر کا تعلق اسلام آباد یونائیٹڈ سے ہے۔ کراچی کنگز نے بعدازاں اپنے ٹوئٹ میں کہا کہ پی ایس ایل میں مثبت آنے والوں میں سے صرف ایک کا تعلق کراچی کنگز سے ہیں،  ہمارے فیلڈنگ کوچ کامران خان کا کورونا ٹیسٹ مثبت آیا ہے اور ہم ان کی جلد صحت یابی کیلئے نیک خواہشات کا اظہار کرتے ہیں۔

واضح رہے کہ پیر کے روز اسلام آباد یونائیٹڈ کے غیر ملکی کھلاڑی فواد احمد کا کورونا وائرس ٹیسٹ مثبت آنے پر  کوئٹہ گلیڈی ایٹرز اور اسلام آباد یونائیٹڈ کے تمام کھلاڑیوں کو ہوٹل میں ہی روک لیا گیا اور ان کے ٹیسٹ کئے گئے جبکہ اس روز دونوں ٹیموں کے درمیان شیڈول تاخیر سے شروع کرنے کا اعلان کیا گیا تاہم بعد ازاں میچ موخر کر دیا گیا جو منگل کے روز نیشنل سٹیڈیم کراچی میں کھیلا گیا۔