وزیراعظم کی شمالی وزیرستان میں دہشتگردوں کے حملے کی مذمت

وزیراعظم کی شمالی وزیرستان میں دہشتگردوں کے حملے کی مذمت
تصویر ٹوئٹر

اسلام آباد: وزیراعظم نے شمالی وزیرستان میں دہشتگردوں کے حملے کی مذمت کرتے ہوئے پیغام جاری کیا کہ دہشتگردی کیخلاف لڑنے والے جوانوں کی بہادری وجرات کو سلام!۔


تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم عمران خان نے حملے میں شہید ہونے والے 3 جوانوں کے اہلخانہ سے بھی اظہار تعزیت کیا۔یاد رہے کہ گزشہ روز ساٹھ سے ستر دہشت گردافغان سرحد کراس کرتے ہوئے وزیرستان میں گھسے ،الواڑا کے قریب باڑ لگانے والے پاک فوج کے جوانوں پر فائر کھول دیے۔

پاک فوج کی جوابی کارروائی میں دشمن کابھاری جانی اورمانی نقصان ہوا۔آئی ایس پی آر کی جانب سے کہا گیا ہے افغانستان کی زمین پاکستان کے خلاف استعمال نہیں ہونی چاہیے ۔

افغان سکیورٹی فورسز اپنے علاقوں پر موثر کنٹرول قائم کریں تاکہ ایسے واقعات پیش نہ آ سکیں ،جو دونوں ملکوں کی سلامتی کیلئے نقصان دہ ہیں۔ پاکستان نے افغان ناظم الامور کو دفتر خارجہ طلب کر کے پاکستانی فورسز پر ہونیوالے حملے پر شدید احتجاج ریکارڈ کرایا۔