گلوکارہ نازیہ حسن کی آج 52 ویں سالگرہ منائی جارہی ہے

گلوکارہ نازیہ حسن کی آج 52 ویں سالگرہ منائی جارہی ہے

گلوکارہ نازیہ حسن کی آج 52 ویں سالگرہ منائی جارہی ہے

 کراچی: پاکستان میں پاپ موسیقی کونیا انداز دینے والی گلوکارہ نازیہ حسن کی آج 52 ویں سالگرہ منائی جارہی ہے۔3 اپریل 1965 کو کراچی میں پیدا ہوئی۔  موسیقی کی شروعات کرنے والی نازیہ حسن اور ان کے بھائی زوہیب کو پاکستان میں پاپ موسیقی کا بانی کہا جاتاہے۔80 کی دہائی میں بھارتی فلم ’’قربانی‘‘ کے لیے گائے گیت’’آپ جیسا کوئی میری زندگی میں آئے‘‘ نے نازیہ حسن پرشہرت کے دروازے کھول دیے جب کہ انہیں اس گیت کے لیے بھارت کے سب سے بڑے فلمی ایوارڈ فلم فیئر سے نوازا گیا اور وہ یہ ایوارڈ پانے والی پہلی پاکستانی بنیں۔


نازیہ حسن نے 1981 میں ’’ڈِسکو دیوانے‘‘ کے نام سے اپنے گیتوں کا ایک یادگار البم ریلیز کیا۔ اس کے بعد 1984 میں ’’بُوم بُوم‘‘ اور ’’ینگ ترنگ‘‘، 1987 میں ’’ہاٹ لائن‘‘ اور1992 میں ’’کیمرا کیمرا‘‘ کے نام سے البم ریلیز کیے۔نازیہ حسن ایک فنکارہ ہونے کے ساتھ ساتھ انسان دوست بھی تھیں جن کے بارے میں کہا جاتا ہے کہ وہ موسیقی سے ہونے والی ساری آمدنی کراچی کی پسماندہ بستیوں میں بسنے والے بچوں، محروم نوجوانوں اور غریب خواتین کی بہبود کے منصوبوں پر خرچ کرتی تھیں وہ نیویارک میں سیاسی تجزیہ کار کے طور پر بھی اقوامِ متحدہ سے بھی منسلک رہیں اور 1991 میں اُنہیں پاکستان کے لیے ثقافتی سفیر مقرر کیا گیا۔