سابق نااہل وزیراعظم نواز شریف اور ان کی اہلیہ رکن قومی اسمبلی بیگم کلثوم نواز کی شادی کی آج 47 ویں سالگرہ ہے۔
نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پر اپنے پیغام میں ایک کیک کی تصویر شیئر کرتے ہوئے لکھا، 'ماشاء اللہ میرے والدین کی شادی کے 47 برس مکمل ہوگئے۔ دونوں کے دل قربت اور دوری، صحت و بیماری میں بھی ایک ساتھ دھڑکتے ہیں'۔
854136d32d9b8133e2f2295d37a42053
اس تصویر میں کسی کا چہرہ نظر نہیں آیا، تاہم تصویر دیکھ کر لگا کہ کوئی خاتون کیک کاٹ رہی ہیں جبکہ کیک پر لکھا ہے 'ہیپی اینیورسری کلثوم اینڈ نواز۔'
بعدازاں مریم نواز نے اپنی دوسری ٹوئیٹ میں وضاحت کرتے ہوئے لکھا کہ یہ میری والدہ کی تصویر ہے، جنہوں نے بستر پر بیٹھے بیٹھےکیک کاٹا اور انہوں نے اس پیغام کے ساتھ یہ تصویر ہمیں بھیجی ہے کہ 'انشاء اللہ ہم جلد ساتھ ہوں گے۔
54947dca2ae1ecf45fe6138dbfd21eb0
واضح رہے کہ بیگم کلثوم نواز گلے کے کینسر میں مبتلا ہیں جس کے علاج کے سلسلے میں وہ گزشتہ چند ماہ سے لندن میں مقیم ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
