لاہور: چیئرمین پاکستان تحریک انصاف (پی ٹی آئی) عمران خان کی زیر صدارت پی ٹی آئی سندھ کی پارلیمانی پارٹی کا اجلاس ، عمران خان نے ارکان سندھ اسمبلی کو اپنے آئندہ کے لائحہ عمل پر اعتماد میں لیا ۔
تفصیلات کے مطابق اجلاس میں پی ٹی آئی سندھ کی پارلیمانی پارٹی کے 22 ارکان شریک تھے ۔ عمران خان نے ارکان سندھ اسمبلی سے استعفوں کے حوالے سے انکی رائے معلوم کی ۔ عمران خان نے ارکان سندھ اسمبلی کو اپنے آئندہ کے لائحہ عمل پر اعتماد میں لیا ۔ ارکان سندھ اسمبلی نے اپنے استعفے عمران خان کو جمع کروا دیئے ۔
ارکان سندھ اسمبلی نے استعفوں کے حوالے سے تمام اختیارات عمران خان کو دیتے ہوئے کہا کہ عمران خان جب کہیں گے سندھ اسمبلی سے مستعفی ہو جائیں گے ۔
