لاہور: پاکستان میں کورونا سے مزید 34 افراد جان کی بازی ہار گئے جس کے بعد اموات کی تعداد 22 ہزار ، 379 ہوگئی ۔
محکمہ موسمیات کے مطابق ایک ہزار ، 400 افراد میں کورونا وائرس کی تشخیص ہونے کے بعد متاثرین کی مجموعی تعداد 9 لاکھ ، 61 ہزار ، 85 تک پہنچ گئی ہے ۔ 24 گھنٹے کے دوران ملک بھر میں 48 ہزار ، 27 ٹیسٹ کیے گئے جن میں سے مثبت کیسز کی شرح 2.91 فیصد رہی ۔
دوسری جانب جانسن اینڈ جانسن کمپنی کا کہنا ہے کہ اُن کی بنائی ہوئی ویکسین کورونا کی بھارتی قسم ڈیلٹا کیخلاف کافی موثر ثابت ہوئی ہے ۔
جانسن اینڈ جانسن کی جانب سے جاری تحقیقی رپورٹ کے مطابق اُن کی ویکسین کی سنگل ڈوز ڈیلٹا کے خلاف بہت موثر رہی ہے ۔ رپورٹ میں یہ دعویٰ بھی کیا گیا ہے کہ ویکسین لگوانے کے بعد مدافعتی ردعمل کم از کم 8 ماہ تک برقرار رہتا ہے ۔
واضح رہے کہ کورونا کی بھارتی قسم ڈیلٹا اب تک 92 ممالک میں پھیل چکا ہے ۔ آسڑیلیا کے شہر سڈنی ، کوئینز لینڈ اور مغربی آسٹریلیا میں بھارتی قسم ڈیلٹا تیزی سے پھیل رہا ہے جس کے باعث 9 جولائی تک لاک ڈاؤن نافذ کر دیا گیا ہے ۔
بنگلہ دیش کے دارالحکومت ڈھاکا میں بھارتی وائرس کا پھیلاؤ روکنے کے لیے لاک ڈاؤن نافذ کر دیا گیا ہے ۔ برطانیہ میں بھی ڈیلٹا کے کیسز رپورٹ ہوئے ہیں جبکہ برطانیہ کے وزیر صحت نے 19 جولائی کو کورونا پابندیاں ختم کرنے کا اعلان کر دیا ہے ۔
بھارتی میڈیا کے مطابق ریاست مہاراشٹر میں ایک بار پھر کورونا کیسز زیادہ ہونے کی وجہ سے مال اور سنیما بند کر دیے گئے ہیں ۔
