مشترکہ مفادات کونسل میں سندھ کا مقدمہ خود لڑوںگا،مراد علی شاہ

مشترکہ مفادات کونسل میں سندھ کا مقدمہ خود لڑوںگا،مراد علی شاہ

کراچی: وزیراعلیٰ سندھ سید مراد علی شاہ نے کہا ہے کہ مشترکہ مفادات کونسل میں سندھ کا مقدمہ خود لڑوں گا،آئین کے تحت ایکنک اور ای سی سی کو آئل و گیس کی تقسیم اور قیمتوں کے تعین کا اختیار نہیں ۔ترجمان وزیراعلی ہائوس کے مطابق سید مراد علی شاہ نے اسلام آباد میںمشترکہ مفادات کونسل میں شرکت کیلئے روانگی سے قبل کہا کہ آئین کے آرٹیکل 154 کی تشریح کے لئے مشترکہ مفادات کونسل کی سب کمیٹی کا اجلاس اسلام آبادمیں ہورہا ہے ،جس میں بطور وزیر قانون خود شریک ہوں گا ۔


ترجمان کے مطابق انہوں نے مزید کہا کہ وفاق کے پاس آرٹیکل 154کے تحت گیس اورآئل کی قیمتوں کے تعین اور تقسیم کا اختیار نہیں، انجینئر کے ساتھ ایک قانون دان کا بیٹا ہوں اور آئین کو بہتر سمجھتا ہوں۔وزیراعلی کا کہنا تھا کہ آئین کے تحت گیس اور تیل پر پہلاحق صوبے کا ہے، جو اپنی ضروریات پوری کرنے کے بعد دوسرے صوبوں کو فراہم کیا جاسکتاہے ۔

نیوویب ڈیسک< News Source