آج جمہوریت کا سورج طلوع ہوا، جعلی وزیراعظم کو شرافت سے گھر چلے جانا چاہئے: عابد شیر علی

آج جمہوریت کا سورج طلوع ہوا، جعلی وزیراعظم کو شرافت سے گھر چلے جانا چاہئے: عابد شیر علی
سورس:   فوٹو: بشکریہ ٹوئٹر

اسلام آباد: پاکستان مسلم لیگ (ن) کے نائب صدر عابد شیر علی نے کہا ہے کہ آج جمہوریت کا سورج طلوع ہوا ہے، جعلی وزیراعظم کو شرافت سے گھر چلے جانا چاہئے۔ 

تفصیلات کے مطابق سینیٹ انتخابات میں اسلام آباد سے یوسف گیلانی کی جیت اور حکومتی امیدوار حفیظ شیخ کی ہار کے بعد سماجی رابطوں کی ویب سائٹ ٹوئٹر پر جاری اپنے پیغام میں لکھا ’3 مارچ کی شام کو جمہوریت کا سورج طلوع ہوا ہے، سلیکٹڈ حکومت کے خلاف اپوزیشن امیدوار کی کامیابی عدم اعتماد ہے۔ جعلی وزیراعظم کو شرافت سے گھر چلے جانا چاہئے۔ اب ملک میں ووٹ کو عزت دو کا بیانیہ چلے گا۔‘ 

واضح رہے کہ سینیٹ انتخابات میں اسلام آباد کی جنرل نشست پر یوسف رضا گیلانی کامیاب ہوگئے ہیں، ریٹرننگ افسر کے مطابق 340 ووٹ کاسٹ ہوئے جن میں سے یوسف رضا گیلانی نے 169 ووٹ حاصل کئے اور حفیظ شیخ نے 164 ووٹ حاصل کئے جبکہ ریٹرننگ افسر کے مطابق 7 ووٹ مسترد ہوئے اور یوں یوسف رضا گیلانی حفیظ شیخ کو پانچ ووٹوں سے شکست دے کر اسلام آباد سے سینیٹر منتخب ہوگئے۔