ممبئی:کورونا کا شکار بھارتی گلوکارہ و ادکارہ ہمانشی کھرانہ نے ہسپتال کے بیڈ سے تصویر شیئر کرکے اپنے مداحوں کو حیران کردیا ہے۔
a05559b4209c5d0af4a2b0e7f6534d66
بھارتی میڈیا رپورٹ کے مطابق بگ باس فیم ماڈل اداکارہ ہمانشی کھرانہ جو کہ ان دنوں خبروں کی زینت بنی ہوئی ہیں اور ان کے مداح ان کی صحت کو لیکر فکر مند دکھائی دیتے ہیں۔
بھارتی اداکارہ و گلوکارہ نے اب اپنے مداحوں کو اپنی صحت کے متعلق خبر دیتے ہوئے ہسپتال کے بیڈ سے ایک تصویر شیئر کی ہے جس میں انہوں نے اپنے علاج کے بارے میں بھی بتایا ہے۔
ہمانشی نے جو تصویر شیئر کی ہے اس میں وہ خود تو نظر نہیں آرہی ہیں لیکن ان کے آس،پاس رکھی چیزیں ضرور نظر آرہی ہیں۔ یہ تصویریں ہمانشی نے اپنے انسٹاگرام سٹوری پر شیئر کی ہیں۔ جس میں ان کے ہاتھ پر ڈرپ کی سوئی لگی نظر آرہی ہے۔
اس تصویر میں کچھ شو پیس رکھنے نظر آرہے ہیں، ایک کیتلی بھی رکھی ہے۔ اس کے علاوہ ایک تھیلی بھی رکھی ہوئی ہے۔وہیں ہمانشی نے ایکسٹرا کیئر لکھ کر بتایا ہے کہ ان کا علاج خاص خیال رکھتے ہوئے کیا جارہا ہے۔
0a5a3b760b0257158dfc70e799396465
یاد رہے کہ ہمانشی کھرانہ کووڈ19 سے متاثر ہونے کے بعد گھر پر ہی رہ کر اپنا علاج کر رہی تھیں۔ وہ ہوم کورنٹائن میں ڈاکٹر سے مسلسل مشورہ لے رہی تھیں۔لیکن اچانک ان کی طبیعت بگڑ گئی اور انہیں ہسپتال میں داخل کرایا گیا تھا۔
یاد رہے کہ بگ باس ہی کے حصہ رہنے والے گلوکار عاصم ریاض اور ہمانشی کھرانہ کا نیا گانا ’خیال رکھیا کر’ ریلیز ہوا ہے۔ اس گانے میں ان دونوں کے رومانس کو لوگوں نے خوب پسند کیا اور یہ گانا سوشل میڈیا پر زبردست پذیرائی حاصل کررہا ہے۔ ہمانشی کھرانہ اور عاصم ریاض کے سوشل میڈیا اکائونٹس پر اکثر ہی دونوں کی رومانٹک تصویریں اور ویڈیوز دیکھنے کو مل جاتے جاتی ہیں۔
