’بیک ڈور پر این آر او کی بھیک لیکن انکار پر پھر سے ڈرامہ شروع‘ شہباز گل کا مریم نواز شریف کی ٹویٹ پر ردعمل

’بیک ڈور پر این آر او کی بھیک لیکن انکار پر پھر سے ڈرامہ شروع‘ شہباز گل کا مریم نواز شریف کی ٹویٹ پر ردعمل
سورس:   فوٹو: بشکریہ ٹوئٹر

لاہور: وزیراعظم پاکستان عمران خان کے معاون خصوصی برائے سیاسی روابط ڈاکٹر شہباز گل نے کہا ہے مریم نواز شریف بیک ڈور پر این آر کی بھیک اور ہر طرح کے تعاون کی پیشکش کرتی ہیں لیکن انکار ہو جانے پر پھر سے ڈرامہ شروع ہو جاتا ہے۔ 

تفصیلات کے مطابق ڈاکٹر شہباز گل نے سماجی رابطوں کی ویب سائٹ ٹوئٹر پر جاری اپنے پیغام میں لکھا ’کل شام این آر او کے ایک اور قاصد کو جواب دیدیا گیا۔ اور اب آپ دیکھیں گے سائیلنٹ موڈ والی باجی کا ٹوئٹر واپس آن ہو جائے گا۔ بیک ڈور پر این آر او کی بھیک اور ہر طرح کے تعاون کی پیشکش لیکن انکار ہو جانے پر پھر سے ڈرامہ شروع۔ باجی یہ داستان اب پرانی ہوئی۔ کوئی نیا مکر نیا فریب؟‘ 

واضح رہے کہ اس سے قبل پاکستان مسلم لیگ (ن) کی نائب صدر مریم نواز شریف نے ایگزٹ کنٹرول لسٹ (ای سی ایل) سے نام نکالنے سے متعلق بیان پر ردعمل دیتے ہوئے کہا تھا کہ ’ان سے کہا کس نے ہے نام کو؟ اگر یہ مجھے زبردستی باہر بھجوانے کیلئے ڈرامہ رچانا چاہ رہے ہیں تو ایک بار پھر کان کھول کر سن لیں، ناصرف یہ کہ میں کہیں نہیں جا رہی بلکہ اس جعلی اور ووٹ چور وزیراعظم جس کو میں مانتی ہی نہیں، اس سے کسی قسم کی درخواست کرنے کا سوچنا بھی گناہ ہے۔‘ 

ایک اور ٹویٹ میں ان کا کہنا تھا کہ ’اپنی ای سی ایل اور اپنی اجازت اپنے پاس ہی رکھیں بلکہ محفوظ رکھیں کیونکہ بہت جلد آپ کو خود اس کی ضرورت پڑنے والی ہے اور آپ کے تو جرائم بھی اصل ہیں۔‘ 

انہوں نے مزید کہا ’تصحیح: اپنی جعلی ای سی ایل اور جعلی اجازت، ووٹ چوروں کی کسی کی نظر میں بھی نا کوئی حیثیت ہے نا اتھارٹی۔‘