لاہور: پاکستان اور آسٹریلیا کے درمیان ہونے والا واحد ٹی ٹوئنٹی میچ کل لاہور میں کھیلا جائے گا ۔
اس حوالے سے قومی ٹیم کے کپتان بابر اعظم کا کہنا ہے کہ ون ڈے سیریز میں دو ایک سے فتح کے بعد ٹیم کے حوصلے بلند ہیں ۔ انہوں نے کہا کہ ٹیم مینجمنٹ پلیئنگ الیون کے لیے مشاورت کر رہی ہے ۔
واضح رہے کہ دونوں ٹیموں کے درمیان اب تک چوبیس ٹی ٹوئنٹی میچز کھیلے جا چکے ہیں ، پاکستان نے 12 اور آسٹریلیا نے دس میچز جیتے ہیں جبکہ ایک میچ ٹائی اور ایک غیر فیصلہ کن رہا ۔
خیال رہے کہ پاکستان نے آسٹریلیا کو تیسرے ون ڈے میں شکست دے کر تین میچوں کی سیریز دو ایک سے اپنے نام کر لی ہے ۔
لاہور کے قذافی سٹیڈیم میں کھیلے گئے میچ میں پاکستان نے ٹاس جیت کر پہلے فیلڈنگ کا فیصلہ کیا ۔ پہلے کھیلتے ہیں آسٹریلیا کی ٹیم 210 رنز بنا کر آؤٹ ہوگئی ۔ ایلکس کیرے نے 56 اور سین ایبٹ نے 49 رنز کی اننگز کھیلی ۔
پاکستان کی طرف سے محمد وسیم اور حارث رؤف نے تین ، تین، شاہین شاہ آفریدی نے دو جبکہ زاہد محمود اور افتخار احمد نے ایک ، ایک وکٹ حاصل کی ۔
211 رنز کے تعاقب میں پاکستان نے شاندار کارکردگی کا مظاہرہ کیا ۔ بابر اعظم نے ایک اور دھواں دار سنچری سکور کی جبکہ امام الحق نے 85 رنز کی اننگز کھیلی ۔