بالوں کی خراب کٹنگ تو ہر انسان کی زندگی میں ایک ادھ بار تو ضرور ہوئی ہوگی مگر کسی نے اس کا بدلہ حجام سے نہیں لیا ہو گا ۔
تاہم چین میں ایک شہری کے خراب بال کاٹنے پر ایسا بدلہ لیا کہ اس کی مثال اس سے پہلے کبھی نہیں سنی ہو گی ۔
چین کےصوبے شانڈونگ کے شہر دیژوو میں ایک شخص نے حجام سے بال کٹوائے لیکن ہیئر سٹائل اسے بالکل پسند نہ آیا۔ اس پر اس شخص نے حجام سے بدلہ لینے کے لیے حجام کی دوکان کے دروازے کے سامنے ہر روز انسانی فضلہ سے بھرے بیگ پھینکنے شروع کردئیے۔
چند دن تک تو حجام اس حرکت کو برداشت کرتا رہا لیکن پھر اس نے پولیس میں رپورٹ کر دی۔ پولیس نے نگرانی کےکیمروں کی فوٹیج دیکھی تو فوراً ہی ناخوش گاہک کو گرفتار کر لیا۔ اس شخص کو 9 دن پولیس کی تحویل میں رہنا پڑے گا اور اس کے علاوہ 500 یوان جرمانہ ادا بھی کرنا ہوگا۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں۔
