لندن: برطانوی باکسر عامر خان کی جانب سے باکسر اینتھونی جوشوا کی وجہ سے اپنی اہلیہ فریال مخدوم کو طلاق دینے کے اعلان کے بعد باکسر اینتھونی جوشوا بھی میدان میں آ گئے ہیں اور کہاہے کہ’ میں وہ شخص نہیں ہوں‘۔
تفصیلات کے مطابق اینتھونی جوشوا نے ٹوئٹر پر پیغام جاری کیا ہے کہ ”مجھے امید ہے کہ تم دونوں آپس میں یہ معاملہ ٹھیک کر لو گے یا پھر یہ ہیکنگ بھی ہو سکتی ہے کیونکہ ہمارے درمیان کبھی ملاقات بھی نہیں ہوئی“ ۔انہوں نے اپنے ٹویٹ میں کہا کہ ’ایک اور بات یہ کہ میں اپنی بھاری جسامت والی خاتون کو بے حد پسند کرتا ہوں ۔ ساتھ میں انہو ں نے یہ ٹیک بھی لگایا کہ ’میں وہ شخص نہیں ہوں ‘۔
واضح رہے کہ باکسر عامر خان نے فریال مخدوم کو طلاق دینے کا اعلان کیا تھا اور ساتھ یہ بھی کہا تھا کہ فریال کافی عرصہ سے کسی اور شخص کے ساتھ رہنا چاہتی تھیں ،انہوں نے کہا ہم نے باہمی رضامندی سے علیحدگی کافیصلہ کر لیاہے ۔
