نوازشریف اور چوہدری نثار کے کام کو لے کر آگے جائیں گے، وزیرداخلہ احسن اقبال

نوازشریف اور چوہدری نثار کے کام کو لے کر آگے جائیں گے، وزیرداخلہ احسن اقبال

اسلام آباد: وزیر داخلہ احسن اقبال کا کہنا ہے کہ نواز شریف اور چوہدری نثار علی خان کے کام کو آگے لے کر جائیں گے۔اسلام آباد پولیس کو 8ماہ کے اندر اندر بہترین پولیس بنائیں گے۔ وزیر اعظم تبدیل ہوئے لیکن پالیسیاں وہی ہیں جب کہ پاکستان میں امن کی جنگ ہم سب نے ملکر لڑنی ہے اور ملک سے نفرت کا خاتمہ کرنا ہے۔


وزیر داخلہ احسن اقبال نے اسلام آباد میں نیشنل پولیس بیورو کا دورہ کیا، یادگارہ شہدا پر پھول چڑھائے اور فاتحہ خوانی کی۔ اس موقع پر میڈیا سے بات کرتے ہوئے احسن اقبال نے کہا کہ دہشت گردوں کے کنٹرول میں پولیس کا اہم کردار ہے جب کہ اسلام آباد پولیس میں ماڈل پولیس اسٹیشنز کے ذریعے مثالی اصلاحات پیش کریں گے اور شہدا کے بچوں کو تعلیم اور صحت سمیت تمام سہولیات دی جائیں گی۔احسن اقبال کا کہنا تھا کہ وزیر اعظم تبدیل ہوئے لیکن پالیسیاں وہی ہیں، نوازشریف اور چوہدری نثار کے کام کو لے کر آگے جائیں گے اور وزیراعظم شاہد خاقان کہہ چکے ہیں کہ جتنے دن بھی رہے زیادہ کام کریں گے۔ انہوں نے کہا کہ ملکوں کی ترقی کے لیے امن و استحکام ضروری ہوتا ہے اس لیے امن اور خوشحالی دونوں کے لیے اب کوشش کرنی ہے۔وزیر داخلہ نے کہا کہ پاکستان میں امن کی جنگ ہم سب نے ملکر لڑنی ہے، ملک سے نفرت کا خاتمہ کریں گے اور امن کی جنگ کو فیصلہ کن مرحلے میں لے کر جائیں گے جب کہ آپریشن ردالفساد کو کامیابی سے ختم کریں گے۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں