پاکستان سے ہنرمند افراد کے بیرون ملک جانے کے رجحان میں اضافہ

پاکستان سے اعلی تعلیم یافتہ اور ہنر مند افراد کے بیرون ملک جانے کا رجحان بڑھنے لگا ۔ گزشتہ دس برس میں ستاون لاکھ چوہتر ہزار سے زائد پاکستانی روزگار کیلئے بیرون ملک منتقل ہو چک

پاکستان سے ہنرمند افراد کے بیرون ملک جانے کے رجحان میں اضافہ

اسلام آباد:  پاکستان سے اعلی تعلیم یافتہ اور ہنر مند افراد کے بیرون ملک جانے کا رجحان بڑھنے لگا ۔ گزشتہ دس برس میں ستاون لاکھ چوہتر ہزار سے زائد پاکستانی روزگار کیلئے بیرون ملک منتقل ہو چکے ۔ ملک کا اصل سرمایا مسلسل لٹ رہا ہو تو ترقی کا خواب کیسے شرمندہ تعبیر ہوگا؟ اعلی تعلیم یافتہ افراد کی بیرون ملک منتقلی کے رجحان میں غیر معمولی اضافہ ، ملک کا حقیقی سرمایہ لٹنے لگا ۔

گزشتہ دس برسوں میں 57لاکھ 74ہزار اعلی تعلیم یافتہ اور ہنر مند افراد نے پاکستان چھوڑ دیا ۔ ملک لاکھوں ڈاکٹرز ، انجینیئرز اور ہنرمندوں کی خدمات سے محروم ، سرکاری اعداد و شمار کے مطابق حالیہ دس برسوں میں 40ہزار سے زائد انجیئنرز ، 13ہزار سے زائد ڈاکٹرز ، سات ہزار اساتذہ ، اڑھائی لاکھ ٹیکنیشینز ، اڑتیس ہزار مینیجرز اور اڑھائی ہزار فنکار روزگار کیلئے ملک چھوڑ چکے ہیں ۔ 1لاکھ 8ہزار 634اعلی تعلیم یافتہ ، 1لاکھ 37ہزار 800 انتہائی ہنر مند جبکہ 23لاکھ 68ہزار ہنرمند بیرون ملک چلے گئے ۔ یہی نہیں 6لاکھ 97ہزار نیم ہنر مند جبکہ 24لاکھ 62ہزارغیر ہنر مند افراد بھی ایک دہائی کے دوران پاکستان کو خدا حافظ کہہ گئے۔