اسلام آباد ہائیکورٹ : اسلام آباد ہائیکورٹ نے شیخ رشید کی کراچی منتقلی روکنے کے لیے دائر درخواست پر اعتراض عائد کردیے ہیں۔ ہائیکورٹ کے رجسٹرار آفس نے درخواست پر دو اعتراضات عائد کئے ۔
رجسٹرار آفس کا کہنا ہے کہ دوسرے صوبوں میں درج مقدمات ہم کیسے دیکھ سکتے ہیں ؟ کوئی بھی معاملہ ہو اس پر مقدمہ درج کرنے سے کیسے روک سکتے ہیں ؟
شیخ رشید نے درخواست دی تھی کہ عمران نے آصف زرداری پر قتل کا الزام لگایا جس کا میں نے حوالہ دیا ۔ سیاسی بیان بازی کی بنا پر مزید مقدمات درج کرنے سے روکا جائے ۔آبپارہ ، مری اور کراچی کے مقدمات غیر قانونی قرار دیکر کالعدم قرار دیں۔ کیس کے حتمی فیصلے تک کراچی منتقلی سے روکا جائے ۔
