لاہور: عالمی نمبر ون ٹینس پلیئر نوواک جوکووچ کو طبی استثنیٰ حاصل ہو گیا ہے جس کے باعث وہ آسٹریلین اوپن ٹینس ٹورنامنٹ میں حصہ لینے کے اہل ہو گئے ہیں۔
تفصیلات کے مطابق ٹینس سٹار نوواک جوکووچ نے سماجی رابطوں کی ویب سائٹ ٹوئٹر پر سامان کے ساتھ اپنی تصویر بھی پوسٹ کی ہے۔ ان کا کہنا ہے کہ بریک کے دوران اپنے پیاروں کے ساتھ اچھا وقت گزرا ہے، اب مجھے کھیل کی اجازت مل گئی ہے اور میں سفر کا آغاز کر رہا ہوں۔
واضح رہے کہ جوکووچ کی وکٹوریہ میں ویکسین پروٹوکول کے باعث آسٹریلین اوپن میں شرکت مشکوک تھی تاہم انہیں طبی استثنیٰ دیدیا گیا ہے۔
