کیلیفورنیا: سماجی رابطوں کی معروف ایپ فیس بک انتظامیہ کی جانب سے چیٹ فیچر میں بڑی تبدیلی کرنے کا امکان ظاہر کیا گیا ہے ۔
فیس بک ایپ میں پہلے اندر پیغام رسانی کا فیچر موجود تھا تاہم 2014 میں فیس بک کی جانب سے ایپ سے جڑا یہ فیچر ختم کرکے مسینجر کی ایک علیحدہ ایپ متعارف کرائی گئی تھی ۔لیکن اب دوبارہ چیٹ فیچر کو فیس بک کے اندر ہی شامل کرنے کا فیصلہ کیا گیا ہے۔
ٹیکنالوجی ایکسپرٹ میٹ نیوارا نے جیف ہِگنز کی جانب سے شیئر کیے جانے والے اسکرین شاٹ کو ری ٹویٹ کرتے ہوئے اپنے تبصر ے میں لکھا ہے کہ 2014 میں ختم کردیا جانے والا چیٹ فیچر فیس بک اپنی ایپ میں واپس لارہا ہے۔
Facebook is bringing Messenger chat features back in-app
— Matt Navarra (I quit X. Follow me on Threads) (@MattNavarra) December 30, 2022
In 2014, Facebook turned off in-app chat features and launched Messenger as a separate app.
But in-app chat features are coming back.
This is what it looks like: https://t.co/IyJS4bWggm pic.twitter.com/aJ5dLheXKS
اسکرین شاٹ میں دیکھا جاسکتا ہے کہ فیس بک ایپ کی اسکرین کی داہنی جانب ایک دائرہ بنا ہوا ہے اور اس کے ساتھ لکھا ہے ’چیٹ دیکھنے کے لیےدائیں جانب سوائپ کریں‘۔
اس فیچر تک فی الحال مخصوص صارفین کو رسائی حاصل ہے لیکن جلد ہی اسے تمام صارفین کے لیے جاری کر دیا جائے گا ۔
