ریحام خان کی کتاب نے سوشل میڈیا پر طوفان برپا کر دیا

ریحام خان کی کتاب نے سوشل میڈیا پر طوفان برپا کر دیا
image by neo tv

اسلام آباد:ریحام خان کی کتاب نے سوشل میڈیا پر ایک طوفان برپا کر دیا ، مسلم لیگ ن اور پی ٹی آئی کارکنان میں لفظی جنگ عروج اختیار کر گئی ہے ۔


تفصیلات کے مطابق پی ٹی آئی کے چیئرمین عمران خان کی سابق اہلیہ ریحام خان کی کتاب نے سوشل میڈیا پر طوفان برپا کر دیا ہے ، فیس بک ہو یا ٹوئیٹر مسلم لیگ ن اور پی ٹی آئی کارکنان کے درمیان لفظی جنگ شدت اختیار کر گئی ہے۔

ٹوئیٹر صارفین نے بھی ریحام خان کی نئی کتاب پر کھل کر بیان بازی کی ہے ، ایک صارف نے قرار دیا کہ ریحام خان کی نئی کتاب کے پیچھے شہباز شریف ہیں جبکہ ایک صارف نے ریحام خان کے ڈانس والی ویڈیو کو اپ لوڈ کر دیا ۔

 صارف نے لکھا کہ پی ٹی آئی کو سلمان احمد اور حمزہ علی عباسی کا شکر گزار ہونا چاہئے کہ وہ ریحام خان کی کتاب کو کائونٹر کر رہے ہیں۔

ایک صارف نے ریحام خان کی مختلف اہم شخصیات کے تصاویر کو اپ لوڈ کرتے ہوئے لکھا کہ یہ سب ان کے سپانسر ہیں ۔

ٹوئیٹر صارفین کی اکثریت نے ریحام خان کی عمران خان کے متعلق کتاب کو تنقید کا نشانہ بنایا ، تسنیم احمد نے لکھا کہ

یہ بھی پڑھیئے:ریحام خان نے اپنی کتاب میں نیا پنڈورا باکس کھول دیا

سعاد خضر نے لکھا کہ عام انتخابات سے صرف ایک ماہ قبل کتاب کی اشاعت خود ہی سب کچھ بیان کر رہی ہے ۔

معروف تجزیہ کار مظہر عباس نے لکھا کہ پی ٹی آئی کی جماعت خود ہی ریحام خان کی کتاب کی مارکیٹنگ کر رہی ہے اور اس کو ملک میں ہاٹ کیک کی طرح فروخت کر رہی ہے ، کسی بھی مصنف کے لیے اپنی کتاب کو ہاتھوں ہاتھوں بکوانے کیلئے یہ بہترین پوزیشن ہے۔

واصف نے لکھا کہ ریحام خان کی کتاب میں دس فیصد ریحام خان اور نوے فیصد مواد عمران خان کے متعلق ہے جوکہ پراپیگنڈا کو ظاہر کر رہا ہے اسی وجہ سے اکثر پبلشرز نے اس کتاب کو شائع کرنے سے انکار کر دیا ہے۔

سوشل میڈیا کی ویب سائٹ فیس بک پر بھی ریحام خان کی کتاب کو پرزور طریقے سے موضوع بحث بنایا گیا ، خاص طور پر مسلم لیگ ن اور پی ٹی آئی کے کارکنوں نے کتاب کے متعلق ایک دوسرے پر کھل کر لفظی وار کیے۔

ریحام خان کی کتاب پر سینئر تجزیہ کار نصر اللہ ملک نے بھی اظہار خیال کرتے ہوئے شدید تنقید کا نشانہ بنایا