پی ایس ایل تھری کے کچھ میچز پشاور میں بھی ہونے چاہیے، جاوید آفریدی

پی ایس ایل تھری کے کچھ میچز پشاور میں بھی ہونے چاہیے، جاوید آفریدی

پشاور:پشاور زلمی کے مالک جاوید آفریدی نے مطالبہ کیاہے کہ پی ایس ایل 3کے کچھ میچز بھی پشاور میں ہونے چاہئیں جس پر غیر ملکی کھلاڑی بھی رضامند ہو گئے ہیں ۔ بنگلہ دیشی کھلاڑی تمیم اقبال اور ڈیوڈ ملن نے بھی پشاور میں کھیلنے کی خواہش کا اظہار کر دیا۔ اور ٹیم مالک کی ہاں میں ہاں میں ملا دی۔جاوید آفریدی نےٹویٹر پر جاری پیغام میں کہا کہ لاہور میں پی ایس ایل کے کامیا ب فائنل کے بعد اب پشاور زلمی یہ مطالبہ کرتی ہے کہ پی ایس ایل تھری کے میچز پشاور میں بھی ہونے چاہئیں تاکہ شائقین کرکٹ اور کھلاڑی پشاور کی مہمان نوازی کا لطف اٹھا سکیں ۔

جاوید آفریدی کی جانب سے اس ٹویٹ کو بنگلہ دیشی کھلاڑی تمیم اقبال خان نے ری ٹویٹ کیا جس سے ان کی پاکستان سپر لیگ میں دلچسپی دکھائی دیتی ہے اور کھیل سے محبت رکھنے والا ہر کھلاڑی ہی دنیا کے ہر پلیٹ فارم پر پرفارم کرنے کی خواہش رکھتاہے ۔

تمیم اقبال نے جاوید آفریدی کے اس ٹویٹ پر اپنا رد عمل دیتے ہوئے کہا کہ انشااللہ میں 100فیصد جاوید آفریدی کے ساتھ ہوں.