شام میں روسی فوج کا ہیلی کاپٹر گر کر تباہ، عملہ محفوظ

شام میں روسی فوج کا ہیلی کاپٹر گر کر تباہ، عملہ محفوظ

ماسکو: شام کے شہر تدمر میں روسی فوج کا ایک جنگی ہیلی کاپٹر فائرنگ کے واقعے کے بعد ہنگامی طور پر اتار لیا گیا۔ ہیلی کاپٹر کی ہنگامی لینڈنگ کے دوران اس پر سوار عملے کے تمام ارکان محفوظ رہے ہیں اور انہیں حمیمیم فوجی اڈے پر منتقل کردیا گیا ہے۔ شدت پسند تنظیم ’داعش‘ کے مقرب ذرائع ابلاغ اور داعش کی آن لائن نیوز ایجنسی ’اعماق‘ کی طرف سے جاری کردہ ایک بیان میں دعویٰ کیا گیا ہے کہ روس کے فوجی ہیلی کاپٹر کو اس کے جنگجووں نے وسطی حمص کے علاقے حویسیس میں ایک راکٹ سے نشانہ بنایا جس کے نتیجے میں ہیلی کاپٹر تباہ ہوگیا۔


۔شام کی سرکاری خبر رساںفوظ ر ایجنسی نے روسی وزارت دفاع کا ایک بیان نقل کیا ہے جس میں دعویٰ کیا گیا ہے کہ روسی ہیلی کاپٹر کو تدمر میں فائرنگ کا نشانہ بنایا گیا تھا جس کے بعد اسے ہنگامی طور پر اتار لیا گیا ہے۔

بیان میں کہا گیا ہے کہ فائرنگ کے بعد ہیلی کاپٹر واپس فوجی اڈے پرنہیں پہنچ سکا اور اسے ہنگامی طور پر اتار لیا گیا ہے تاہم فائرنگ کے واقعے میں ہیلی کاپٹر پر سوار عملے کے تمام ارکان محفوظ رہے ہیں۔ روسی فوج نے حادثے کا شکار ہونے والے ہیلی کاپٹر کا فوری پتا چلانے کے بعد اس کے عملے کو حمیمیم فوجی اڈے منتقل کردیا ہے۔