شوبز شخصیات کی عمران خان پر قاتلانہ حملے کی شدید مذمت

شوبز شخصیات کی عمران خان پر قاتلانہ حملے کی شدید مذمت

  چیئرمین پی ٹی عمران خان  کے کنٹینر پر فائرنگ  کے واقعہ پر سیاسی وسماجی حلقوں  کے ساتھ ساتھ  پاکستان شوبز انڈسٹری  سے وابستہ افراد نے بھی افسوس کا اظہار کیا ہے۔

  اداکار عدنان صدیقی نے عمران خان پر فائرنگ کے واقعہ پر افسوس کا اظہار کیا  اور اپنے ٹوئٹر پیغام میں لکھا کہ  میرے پاس الفاظ نہیں ہیں، اللہ عمران خان اور دیگر کو محفوظ رکھے۔انہوں نے واقعہ میں زخمی ہونے  والے تمام افراد کی جلد صحت یابی کی دعا  کی۔

سینیئر  اداکار شان شاہد نے عمران خان کو مخاطب کرتے ہوئے لکھا کہ'ہر پاکستانی کی دعائیں آپ کے ساتھ ہیں، آپ ہماری امید ہیں اور اللہ  ہماری امیدوں کی حفاظت کرے گا انشاء اللہ'۔ 

اداکارہ آرمینا خان نے حیرانگی  کا اظہار کیا  اور    واقعہ کی شدید مذمت کی۔

خیال رہے کہ گزشتہ روز  گوجرانوالہ میں عمران خان کے کینٹینر پر فائرنگ سے پی ٹی آئی چیئر مین عمران خان سمیت 13 افراد زخمی ہوگئے تھے ۔