لاہور ،" سونا نہ چاندی نہ کوئی محل جان من" جیسے ایورگرین سپرہٹ نغمے کے خالق اور معروف شاعر سعید گیلانی انتقال کرگئے ۔ ان کی عمر اسی برس تھے اور وہ کئی ماہ سے شوگر اوردل کے عارضے میں مبتلا تھے ۔ ان کو طبعیت خراب ہونے پر مردان کے ایک ہسپتال میں لایا گیا جہاں وہ جانبر نہ ہوسکے ۔
تفصیلات کے مطابق پاکستانی فلموں میں سینکٹروں سپر ہٹ نغموں کے خالق سعید گیلانی کا اصل نام سید احمد شاہ گیلانی تھا ۔
شاعر اور نغمہ نگار سعید گیلانی 1941 میں پشاور میں پیدا ہوئے ۔
شاعر اور نغمہ نگار سعید گیلانی کی مادری زبان ہند کو تھی لیکن انہوں نے اردو اور پنجابی زبان میں شاعر ی کی۔ ان کے گیت فلموں کی کامیابی کی ضمانت سمجھے جاتے تھے ۔
انہوں نے کیرئیر میں 160 سے زائد اردو اور پنجابی فلموں کے لئے گیت لکھے ۔ ان کے لکھے گیتوں کو ملکہ ترنم نورجہاں ، مہدی حسن ، رونا لیلیٰ ، مسعود رانا ، اخلاق احمد سمیت متعدد گلوکاروں نے اپنی آواز دی ۔
سعید گیلانی کے مشہور گیتوں میں ، وہ آگیا میرا سانوریا ، میں نے ڈھونڈا تجھے باغوں میں بہاروں میں ،سونا نہ چاندی نہ کوئی محل ،کیہہ دم دا بھروسہ یار دم آوے نہ آوے اور دیگر شامل ہیں ۔
