عیدالاضحی پر چار چھٹیوں کیلئے سمری وزارت داخلہ کو ارسال

عیدالاضحی پر چار چھٹیوں کیلئے سمری وزارت داخلہ کو ارسال

فائل فوٹو

اسلام آباد:سرکاری محکموں میں عیدالاضحی کے موقع پر 4 چھٹیاں دینے کیلئے وزارت داخلہ کو سمری ارسال کردی گئی ہے۔

یہ بھی پڑھیں:میرا جتنا وقت اس عہدے پر ہے دیانت دار عہدے داروں کے ساتھ گزاروں گا:چیف جسٹس پاکستان

تفصیلات کے مطابق وزارت داخلہ کو جو سمری روانہ کی گئی ہے اس میں 4 سرکاری تعطیلات دینے کی سفارش کی گئی ہے جس میں 21-22-23-24 اگست شامل ہیں تاکہ سرکاری ملازمین احسن طریقہ سے عید مناسکیں تاہم حتمی فیصلہ وزارت داخلہ نے کرنا ہے اس سلسلہ میں سرکاری ملازمین نے پورا ہفتہ چھٹیاں منانے کیلئے پَر تولنا شروع کردیئے ہیں ۔

یہ بھی پڑھیں:فریال تالپور اور آصف زرداری کا ایف آئی اے کے سامنے پیش نہ ہونے کا فیصلہ 

اگر وزارت داخلہ 21 سے 24 اگست تک چھٹیوں کا اعلان کرتا ہے تو 20 تاریخ کو سوموار ہے اور 25 اگست کو ہفتے کا دن بنتا ہے وفاقی محکموں میں ہفتہ اتوار ویسے ہی چھٹی ہوتی ہے اس طرح وفاقی محکموں کے ملازمین 20 اگست کو چھٹی کرکے پورا ہفتہ چھٹیوں کے مزے لوٹیں گے .

یہ بھی پڑھیں:زینب قتل کیس میں سزا یافتہ مجرم عمران کے خلاف مزید تین کیسز میں فیصلہ جاری

اگر سرکاری ملازمین سوموار اور ہفتہ کی چھٹی کرتے ہیں تو اس طرح وہ مجموعی طور پر وہ 9 چھٹیاں کرینگے اس کے برعکس صوبائی محکموں کے ملازمین 8 چھٹیاں کرسکیں گے اگر انہوں نے سوموار اور ہفتہ کی چھٹی کی اس عید پر سرکاری ملازمین کی موجیں ہی موجیں ہونگی۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں