کراچی : ایمرجنگ ایشیاء کپ 2018 ءمیں آٹھ ٹیموں کے درمیان ٹائٹل کی جنگ کل سے شروع ہوگی۔
ذرائع کے مطابق کل شروع ہونے والےایمرجنگ ایشیاء کپ 2018 ء میں گروپ بی کی چار ٹیموں پاکستان، بنگلہ دیش، یو اے ای اور ہانگ کانگ نے نیشنل کرکٹ اسٹیڈیم کراچی میں آج جم کر پریکٹس کی۔
d302d811b608479582f2a2b866a5a409
پریس کانفرنس کرتے قومی کپتان محمد رضوان نے کہا ان کی نظریں ایونٹ کے فائنل پر جمی ہوئی ہیں انہوں نے پاکستان آنے اور نہ آنے والی ٹیموں کا بھی شکریہ ادا کیا ، بنگلہ دیشی کپتان نورالحسن نے انتظامات کو بہترین قرار دیتے ہوئے کہا امید ہے آئندہ دیگر ٹیمیں بھی پاکستان آئینگی ، یو اے ای اور ہانگ کانگ کے کپتانوں نے کہا کہ کہ ایونٹ میں اچھا پرفارم کرنے کی کوشش کرینگے ۔
دونوں کا کہنا تھا کہ انکا تعلق پاکستان سے ہی ہے تو یہاں کھیلنے کی خوشی ہے ۔ایونٹ کے پہلے روز پاکستان ہانگ کانگ جبکہ بنگلہ دیش یو اے ای کے مد مقابل ہو نگی7 دسمبر کو پاکستان یو اے ای جبکہ بنگلہ دیش کا مقابلہ ہانگ کانگ سے ہو گا۔9 دسمبر کو پاکستان اور بنگلہ دیش کی ٹیمیں اور ہانگ کانگ اور یو اے کی ٹیمیں آپس میں ٹکرائیں گی تمام میچز سائوتھ اینڈ کلب اور نیشنل کرکٹ اسٹیڈیم میں کھیلے جائینگے ۔
b343095be2bf58e149a93e33f2b2fb2c
