ممبئی : امیتابھ بچن کی کامیاب فلم 'بلیک'کو ریلیز ہوئے پورے 122 سال مکمل ہوچکے ہیں۔74 سالہ امیتابھ بچن نے لکھا کہ یہ اس قدر خاص فلم تھی کہ اس کا حصہ بننا ہی ان کے لیے بہت تھا۔
ان کے مطابق 'میں ہمیشہ سے سنجے لیلا بھنسالی کے ساتھ ایک فلم میں کام کرنا چاہتا تھا، اور جب مجھے اس کا موقع ملا میں بےحد خوش ہوا، میں نے اس فلم کے لیے کوئی معاوضہ نہیں لیا، اس فلم کا حصہ بننا ہی میرے لیے بہت بڑی بات تھی'۔ امیتابھ کی اس بات پر کہ انہوں نے افلم میں واقعی معاوضہ نہیں لیا اور کیا وہ ایسا کر سکتے ہیں؟ تو بالی وڈ فلم انڈسٹری کی معروف شخصیت نے ان کی اس بات تصدیق کی ہے ۔واقعی انہوں نے اس فلم میں بلا معاوضہ کا کیا تھا۔
خیال رہے کہ 'بلیک' ہیلن کیلر کی سچی کہانی پر مبنی فلم تھی، اس فلم میں رانی مکھرجی نے مرکزی کردار ادا کیا تھا، جو بینائی اور سُننے کی صلاحیت سے محروم تھی، امیتابھ بچن نے اس فلم میں ان کے استاد کا کردار ادا کیا تھا۔
امیتابھ بچن نے مزید لکھا کہ 'میرے لیے سب سے یادگار لمحہ وہ تھا جب دلیپ کمار نے فلم کے پریمیئر پر شرکت کی اور میری پرفارمنس کی تعریف کی'۔
واضح رہے کہ امیتابھ بچن کو اپنی اس فلم کے لیے ہندوستان کے معتبر ایوارڈز میں بہترین اداکار کے نیشنل ایوارڈ سے نوازا گیا تھا، جبکہ اس فلم کو بہترین فلم کا ایوارڈ دیا گیا۔
