برطانوی پارلیمنٹ میں کشمیر کانفرنس، بھارتی بربریت کیخلاف قرارداد منظور

برطانوی پارلیمنٹ میں کشمیر کانفرنس، بھارتی بربریت کیخلاف قرارداد منظور
اجلاس میں سابق وزیراعظم ناروے اور برطانوی پارلیمان نے خصوصی طور پر شرکت کی۔۔۔۔۔۔فوٹو/ ریڈیو پاکستان

لندن: برطانوی پارلیمنٹ میں کشمیر کانفرنس منعقد کی گئی۔ اجلاس میں سابق وزیراعظم ناروے اور برطانوی پارلیمان نے خصوصی شرکت کی۔ مقبوضہ کشمیر میں انسانی حقوق کی خلاف ورزیوں کے خلاف متفقہ قرارداد منظور کر لی گئی۔


نہتے کشمیریوں کی سسکیاں آج اراکین برطانوی ہاؤس کامن نے بھی سُنیں۔ کشمیر کانفرنس کے حوالے سے ہونے والے اجلاس میں سابق وزیراعظم ناروے اور برطانوی پارلیمان نے خصوصی طور پر شرکت کی۔ شرکا اجلاس نے کشمیریوں کی حالت زار پر سخت اظہار تشویش کرتے ہوئے انسانی حقوق کی خلاف ورزیوں پر مذمتی قرارداد منظور کی۔

قرارداد میں کہا گیا ہے مسئلہ کشمیر اقوام متحدہ کی قراردادوں کے مطابق حل کیا جائے۔ اجلاس میں عالمی برادری سے اپیل کی گئی ہے کہ وہ مقبوضہ کشمیر انسانی حقوق کی خلاف ورزیاں رکوانے کے لیے اقدامات کرے اور مسئلہ حل نہ ہونے سے کشمیریوں کی مشکلات میں اضافہ ہوا۔ قرار داد میں مزید کہا گیا کہ مسئلہ کشمیر کا حل نہ ہونا خطے کی سلامتی کے لیے خطرہ ہے۔ قرارداد میں اس بات پر بھی زور دیا گیا ہے کہ پیلٹ گنز کے متاثرین کو فوری طبی امداد دی جائے۔