غلط ٹوئیٹ پر شیری رحمان نے فواد چودھری کی کلاس لے لی

غلط ٹوئیٹ پر شیری رحمان نے فواد چودھری کی کلاس لے لی
image by twitter

اسلام آباد : وزیر سائنس فواد چودھری کی سماجی رابطے پر غلط ٹوئیٹ پر پیپلزپارٹی کی رہنما شیری رحمان نے کھری کھری سنا دیں۔


وزیر سائنس فواد چودھری نے سماجی رابطے کی ویب سائٹ ٹوئیٹر پر بتایا کہ تھائی ائیرویز نے بھی پاکستان سے اپنے فضائی آپریشن کا آغاز کر دیا ہے اور اس سلسلے میں ہفتے میں چار مرتبہ لاہور سے پرواز روانہ ہوگی ۔

اس ٹوئیٹ پر پیپلزپارٹی کی رہنما شیری رحمان نے ٹوئیٹ کیا کہ تھائی ائیرویز کئی سالوں سے پاکستان سے آپریٹ کر رہی ہے یہ کوئی پہلی مرتبہ نہیں ہے ، پاکستان کی جانب سے فضائی پابندیوں کے بعد تھائی ائیرویز کا آپریشن جزوی طور پر معطل ہوا تھا جوکہ اب بحال ہوچکا ہے ۔

ایسی بات نہیں ہے کہ تھائی ائیرویز نے پہلی مرتبہ پاکستان سے فلائیٹ آپریشن شروع کیا ہے ۔