کمزور ترین پاسپورٹ کی فہرست میں پاکستان کا چوتھا نمبر

 کمزور ترین پاسپورٹ کی فہرست میں پاکستان کا چوتھا نمبر

لاہور: پاکستانی پاسپورٹ دنیا کے کمزور ترین پاسپورٹس کی فہرست میں دو درجے بہتری کے بعد دوسرے نمبر سے چوتھے نمبر پر آ گیا۔ عالمی ادارے ’’گلوبل ہینلے پاسپورٹ انڈیکس‘‘  کے مطابق گزشتہ دو برس سے کمزور ترین پاسپورٹ کی فہرست میں اول نمبر پر موجود افغانستان کے بعد پاکستان کا مستقل دوسرا نمبر تھا تاہم پاکستانی پاسپورٹ کی ساکھ بہتر ہوئی ہے اور پاکستان اس فہرست میں دوسرے کے بجائے چوتھے نمبر پر آ گیا ہے یعنی پاکستانی پاسپورٹ کی ساکھ میں دو درجے اضافہ ہو گیا۔


یہ بھی پڑھیں: خوشحال بلوچستان پروگرام سے لوگوں کی زندگیاں تبدیلی ہو جائینگی ، آرمی چیف

رپورٹ کے مطابق کمزور ترین پاسپورٹ کی فہرست میں افغانستان پہلے، عراق دوسرے، شام تیسرے، پاکستان چوتھے اور افریقی ملک صومالیہ پانچویں نمبر پر ہے۔

دوسری جانب بہترین پاسپورٹ کی فہرست میں جاپان اور سنگا پور 180 پوائنٹس کے ساتھ پہلے درجے میں، جرمنی 179 پوائنٹس کے ساتھ دوسرے درجے میں اسی طرح ڈنمارک، فن لینڈ، فرانس، اٹلی، سویڈن، اسپین اور ساؤتھ کوریا تیسرے، ناروے، برطانیہ، آسٹریلیا، لکسمبرگ، نیدر لینڈ، پرتگال چوتھے اور سوئٹزر لینڈ، آئرلینڈ، یونائیٹڈ اسٹیٹس، کینیڈا پانچویں درجے میں شامل ہیں۔

یہ بھی پڑھیں:اسلام آباد یونائیٹڈ نے کراچی کنگز کو شکست دیدی

اگر بہترین پاسپورٹ کی فہرست کے اعتبار سے دیکھا جائے تو 24 پوائنٹس کے ساتھ افغانستان سب سے آخری یعنی 105 ویں درجے میں، عراق 104 ویں ، شام 103 ویں اور 30 پوائنٹس کے ساتھ پاکستان 102 ویں درجے پر آ گیا ہے جو کہ پہلے 104 ویں درجے پر تھا۔ پڑوسی ملک بھارت 56 پوائنٹس کے ساتھ 81 ویں ، بنگلہ دیش 97 ویں ، سعودی عرب 70ویں، متحدہ عرب امارات 27 ویں درجے پر ہے۔

یاد رہے کہ جاپانی شہریوں کو 180 ممالک ویزا فری دیتے ہیں اور پاکستان کو صرف 30 ممالک ویزا آن ارائیول دیتے ہیں اسی لحاظ سے پاسپورٹ کی درجہ بندی کی جاتی ہے۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں