چمن: بلوچستان کے سرحدی شہر چمن پر افغان فورسز کے حملے 10 افراد شہید اور 41 زخمی ہو گئے جن میں بعض کی حالت تشویشناک ہے۔ شہید ہونیوالوں میں خواتین اور بچے بھی شامل ہیں۔
اس سے پہلے آئی ایس پی آر نے واقعے کی تصدیق کرتے ہوئے کہا تھا افغان بارڈر پولیس نے مردم شماری ٹیم کی سیکیورٹی پر مامور ایف سی بلوچستان کے اہلکاروں کو فائرنگ کا نشانہ بنایا۔ فائرنگ کے نتیجے میں ایک شہری جاں بحق جبکہ 4 ایف سی اہلکاروں سمیت 18 افراد زخمی ہوئے جبکہ افغانستان کی جارحیت کا بھرپور جواب دیا گیا۔
02f3507199f9c766fa98dc8c4a09ac22بیان میں مزید کہا گیا کہ 30 اپریل سے افغانستان کی سرحدی پولیس کلی لقمان اور کلی جہانگیر کے علاقوں میں پاکستانی سرحد کی جانب جاری مردم شماری کے عمل میں رکاوٹیں کھڑی کر رہی ہے۔ افغان انتظامیہ کو پیشگی اطلاع جبکہ مردم شماری کا عمل یقینی بنانے کے لیے سفارتی اور فوجی سطح پر تعاون اور روابط کے باجود بھی افغانستان کی جانب سے رکاوٹیں کھڑی کرنے کا سلسلہ جاری ہے۔
مزید پڑھیں: مردم شماری کو ہر قیمت میں مکمل کیا جائیگا، آرمی چیف
حملے کے بعد پاک افغان سرحد پر موجود باب دوستی کو ہر قسم کی آمد ورفت کے لیے بند کر دیا گیا جبکہ سیکورٹی فورسز نے حملے سے متاثرہ علاقوں کے مکینوں کو گاؤں خالی کرنے کی ہدایات بھی جاری کر دیں۔
دوسری جانب چمن بارڈ سے ملحقہ پاکستانی آبادی پر افغان فورسز کی فائرنگ اور گولہ باری پر پاکستان نے شدید احتجاج کیا۔ افغان ناظم الامور کو دفتر خارجہ طلب کر کے احتجاجی مراسلہ تھمایا گیا۔ پاکستان نے مطالبہ کیا کہ افغانستان سرحد کی خلاف ورزی کرنے والوں کے خلاف کارروائی کرے۔
یاد رہے 5 اپریل کو لاہور میں بیدیاں روڈ پر مردم شماری ٹیم پر ہونے والے خودکش حملے کے نتیجے میں پاک فوج کے 4 جوانوں اور ایک آف ڈیوٹی ایئر فورس اہلکار سمیت 6 افراد شہید اور متعدد زخمی ہو گئے تھے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
