ممبئی:بالی ووڈ کی معروف اداکارہ کترینہ کیف جن کی بہن کے ان دنوں فلم نگری میں انٹری کے چرچے ہیں کہ بارے میں بھی خبریں آئے دنوں میڈیا کی زینت بنتی رہتی ہیں جبکہ ایزابیل کیف بھی فلم”ٹائم ٹو ڈانس “ سے اپنی فلمی دنیا کا آغاز کرنے جارہی ہیں۔
یہ بھی پڑھیں:اسلام آباد میں کرکٹ سٹیڈیم بنانا چاہتے ہیں:نجم سیٹھی، جگہ لینے میں مدد کریں گے،چیف جسٹس
بھارتی میڈیا رپورٹس کے مطابق کترینہ کیف کی بہن ایزابیل کیف نے کہا ہے کہ کترینہ نے مجھے نصیحت کرتے ہوئے کہا ہے کہ میں اپنے آپ کو صرف کام تک ہی محدود نہ رکھوں بلکہ ہر دن کو ایک چیلنج سمجھے ہوئے ہر روز کچھ نیا کروں ،ایزابیل کا کہنا تھا کہ سلمان خان نہیں بلکہ عامر خان کے ساتھ فلم میں کام کرنا ان کی زندگی کا سب سے بڑا خواب ہے۔
یہ بھی پڑھیں:بھارت میں" کشمیر بنے گا پاکستان" کے بعد"علی گڑھ یونیورسٹی بنے گی پاکستان" کے نعرے
ایک انٹرویو میں ایزا بیل کیف کا کہنا تھا کہ میں ورون دھون اور شاہد کپور کو بہت زیادہ پسند کرتی ہوں جب کہ میرا خواب ہے کہ میں مسٹر پرفیکشنسٹ عامر خان کے ساتھ پردہ سکرین پر نظر آؤں ،میں اپنے بچپن سے بڑے ہوتے ہوئے عامر خان کی کوئی ایک بھی ایسی فلم نہیں ہے جو میں نے نہ دیکھی ہو ”لگان “ تو میری ماں کی بھی پسندیدہ فلم ہے جبکہ مجھے عامر خان کی ”فنا “ پسند ہے ،میں اب بھی اکثر ”فنا دیکھتی ہوں تو میری آنکھیں نم ہو جاتی ہیں۔
یہ بھی پڑھیں:سلمان خان کی فلم ’ریس 3‘ کو ڈسٹری بیوشن رائٹس کی مد میں 190 کروڑ روپے کی پیشکش
ایزابیل کیف کا کہنا تھا کہ اداکارہ بننے کے بعد بھی ان کی بڑی بہن کترینہ کیف میں کوئی تبدیلی نہیں آئی،وہ جیسی پہلے تھی ویسی ہی اب ہے تاہم کترینہ کی زندگی میں یہ تبدیلی آ چکی ہے کہ اب وہ زیادہ وقت سفر میں گذارتی ہیں کبھی اس ملک اور کبھی کسی شہر میں ،وہ بہت مصروف ہو چکی ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
