مسلم لیگ ن کا 8اگست کو الیکشن کمیشن کے دفتر کے سامنے احتجاج کا فیصلہ

مسلم لیگ ن کا 8اگست کو الیکشن کمیشن کے دفتر کے سامنے احتجاج کا فیصلہ

لاہور :ترجمان مسلم لیگ ن مریم اورنگزیب نے کہا کہ عمران خان کو دھاندلی شدہ مینڈیٹ دینے کی کوشش کی گئی ہے ، 8اگست کو اسلام آباد میں الیکشن کمیشن کے دفتر کے سامنے بھرپور احتجاج کیا جائے گا، الیکشن کمیشن کے دفتر کے سامنے تمام سیاسی جماعتوں کے ٹکٹ ہولڈرزشامل ہونگے۔

تفصیلات کے مطابق مریم اورنگزیب نے الیکشن میں دھاندلی کا ذکر کرتے ہوئے کہا کہ مختلف حلقوں کا رزلٹ دو  دن تک روکا  گیا اور  کئی حلقوں میں فارم 45نہیں دیا، مسلم لیگ ن کے اجلاس میں دھاندلی سے متعلق تمام حقائق قوم کے سامنے رکھے جائینگے۔

ان کا کہنا تھا عمران خان کو دھاندلی شدہ مینڈیٹ دینے کی کوششیں کی جا رہی ہیں۔اجلاس میں فیصلہ کیا گیا ہے کہ مسلم لیگ ن کے صدر شہبازشریف کو ہی وزارت عظمیٰ کیلئے نامز د کیا گیا ہے ۔ن لیگ دیگر سیاسی جماعتوں کیساتھ مل کر جدو جہد جاری رکھے گی ۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں