لندن : پاکستان کی معروف اداکارہ ماہرہ خان پاکستان کے ساتھ بین الاقوامی سطح پر مداحوں کی توجہ حاصل کرنے میں کامیاب ہوگئی ہیں ، ماہرہ کو ایشیا کی چوتھی پرکشش ترین اداکارہ قرار دیا گیا ہے ۔یو کے پول میں ایشیا کی پرکشش ترین اداکاروں کے متعلق عوامی رائے طلب کی گئی جس میں عوام کی اکثریت نے دپیکا پڈوکون کو ایشیا کی پرکشش ترین اداکارہ قرار دیا ہے جبکہ پاکستان کی معروف اداکارہ ماہرہ خان اس فہرست میں چوتھا نمبر حاصل کرنے میں کامیاب ہوگئی ہیں ۔
سماجی رابطے کی ویب سائٹ ٹوئیٹر پر بھی صارفین نے اپنے رائے کا اظہار کیا اور ماہرہ خان کی جانب سے چوتھی پوزیشن حاصل کرنے کی خوب حوصلہ افزائی کی ۔
674bf18350d2e821a341d902d95eb869
پاکستانی معروف اداکارہ ماہرہ خان نے اس کامیابی پر خیالات کا اظہار کرتے ہوئے کہا کہ ایشیا میں چوتھی پرکشش خاتون ہونا میرے لیے اعزاز کی بات ہے ، میں اس کامیابی پر اپنے مداحوں کی بہت شکرگزار ہوں اور کوشش کروں گی کہ آئندہ بھی سخت محنت کا سلسلہ جاری رکھوں ۔
cba89d0e53afccf6545a28271afe9ea4961a5bc1b239bc9d267f887018a40b70
یوکے پولز کے سروے میں بتایا گیا کہ عوام کی اکثریت نے بالی وڈ سٹار دپیکا پڈوکون کو ایشیا کی پرکشش ترین اداکارہ قرار دیا ہے جبکہ اس فہرست میں پریانکا چوپڑا نے تیسری پوزیشن حاصل کی ہے ۔پاکستان کی ایک اور معروف اداکارہ صنم سعید نے اس فہرست میں انیسواں نمبر حاصل کیا ہے۔
674bf18350d2e821a341d902d95eb869
